今晚西甲開鑼，兩場比賽中，加輝較睇好「蝙蝠兵」華倫西亞可於主場贏馬略卡。其實華倫能留得住韋拿及大��施華，已算今夏最大成就。但馬略卡就剛好相反，最強五子費蘭度拿華路、巴斯拿斯、古爾沙、艾巴加沙及約拿斯古迪利斯統統走晒，猶如半力出戰，今晚點樣頂得住華倫？（有線足球台61周日凌晨4時直播）

愛斯賓奴主場秤先

至於另一場愛斯賓奴對華拉度列，同樣睇好主隊。雖然愛斯賓奴即將有薩巴列達及尼亞拿離隊，但兩人其實都冇參與過球會季前熱身賽。愛斯賓奴季前備戰非常積極，今晚主場可秤高多少。（周日凌晨2時開賽）